Қиындықтан құтылу немесе стақан мысалы
Профессор бүгінгі сабақты су толтырылған стақанды қолына алумен бастады және аудиториядағы студенттерге тіл қатты:
– Кім біледі, бұл стақанның салмағы қанша?
– Шамамен екі жүз грамм! Үш жүз! Төрт жүз!-деген дыбыстар естіле бастады.
– Шынымды айтсам, дұрыс жауапты өзім де білмеймін,-деді профессор. – Алайда, маңыздысы бұл емес. Менде мынадай сұрақ бар: егер мен қолымды созып бұл стақанды 2 минут бойы ұстап тұрсам не болады?
– Ештеңе,-деп таңғалысты студенттер.
– Расымен де, ештеңе болмайды. Ал 2 сағат ұстап тұрсам ше?
– Сіздің қолыңыз ауыра бастайды,-деп шуласты студенттер.
– Ал егер стақанды күні бойы ұстап тұрсам қалай болмақ?
– Онда сіздің қолыңыз жансызданады. Бұлшық еттеріңізге зиян тиюі де мүмкін.
– Жарайды, енді айтыңыздаршы, мен оны күні бойы ұстап тұрған болсам, стақанда өзгерістер бола ма?
Өздеріне деген сенімдері жоғала бастаған студенттер баяу үнмен:
– Жоқ, өзгермейді,-деді.
– Сонда жағдайды өзгерту үшін не істеу керек?
– Жай ғана үстелдің үстіне қойыңыз,-деген ұсыныс түсті.
– Дәл өзі!-деп айқайлап жіберді профессор. – Балалар, естеріңде ұстаңдар! Өмірдің қиындықтарымен де осылай қарым-қатынас жасау керек. Проблеманы 2 минут ойласаң – жаныңнан табыла кетеді. Оны 2 сағат ойласаң – сені сора бастайды. Бір күн ойласаң – сені сал етеді.
Көп ойлаудан проблема «салмағы» азаймайды, керісінше, көбейе бермек. Тек амалдар ғана оны жеңе алады. Әдетте, ең қарапайым, бірақ, уақытында жасалған амал-әрекет – бітпес уайым-ойлардан артық. Проблеманы дереу шешіңіз немесе ысырып тастаңыз, әйтпегенде, сізді толықтай жұтып тынады.
Мысалдан кейін дәл қазір қиындығымнан құтыламын деген шешімге келіп, жолын таппай отырсыз ба? Адамның "анықтама қағазы" болған Құранда қиындықтан құтылудың ең жылдам әдісі көрсетілген. Алла Тағала: "Кім Алладан (Оның тыйғандарынан) қорқып сақтанса, Ол оған шығатын жол жасайды" дейді. ("Талақ" сүресі, 2-аят).
